Antāns Alaknōnis
RĀMAWAS PRŪSINEI
Tū īr ni waīdusi, kāigi as milāi ten,
Buccau meddus smārdis wārsans,
Endāusina si sen twāise saūlis endirīsnan,
Tapīwuns si sen āpins strīlins twāisan skebbelin.
Tū pēr men assei prābutiskwas Saūli
En gēidras dāngus bearaīkei plattibei.
Ezze Aīstinmarei līnku Sembas krāntas
En Kūpan bangauwānti gaīlu gārbu.
En twāise akkin galīmbiskwai aīnat
Baltijas bangūdelbi bangaūja,
Be Nerrijas ēnilgan ēn prūsan tāliskwans
Pra Pippelin Pintin skreīlai dēlbja... en dāusan.
Dabber ni waīda as kāigi ēnstwendau mennei auskrāistwei
Iz swāise kīsmingiskwas undans,
Kaddan Pannu wīrst gessus en buttu
Pagār aliskaniskan pannin prei damrawan.
Debbas Rāmawas prūsiska Dēiwi,
Emprābutiskan staddan auwerreis mennei akkins,
Wūriku anzanu šlamīntei sen brūnans lappans
En gaīlas zēimas ilgai naktei.
2002 m.