Legēndō eze Pōmezan bei Semban

Vīdavutīs turējō aīnadesimtin sūnun, sirzdau kans bē Pōmezō bei Sembō. Pōmezō bē narevan bei spōrtan, tōns turējō galīmbans akins, lāukans skebeļans. Tōns vaīdō, kōi kitōi desimts brōteŗan nē mīli din. Nēkas nē izpreta tenese pamediskan bīlan, kadan tōns bīlējō eze malūnakelan sen nevinimans abarans, eze pōitaran, kōi pēnkēi ilgōi sirzdau angiskans lāuksnans vaidina zēimiskan lāuksnan. Nēkas nē izpreta din, kadan tōns imē lōptan bei kapō damban pirzdau svajase butan. Sklōitevingai Sembō, bebinuns visan, ka segējō Pōmezō:
– Ka tū segējei? Apē est tōli izšendau, nēpraverīngas tebei supīs, he he.
Sklōits aīnan metan, pa dagan, bē spartō vakariskō vētrō. Sīvō mīrklīnē vīrtō en kīrsnans upjans bei aglan dēinan be naktin, savaītē pa savaītēs, mēness pa mēneses. Kirsnō apē imē tenēimans zemen, gōidjan, graūdenes.
– Ka segējamai? – prasijō si visōi brōteres,
– mes esmai pavīrpan, mes mazimai
segētwei, ka mes kvaitējamai.
Aîns brōtē gērdawō: – As izimō laīvan bei kirsnō apē pēdsei men sēn sebei, stōjī kirsnō apē nēst stavīdai vōrgan, brōteres, nē bijōitē, mes nē āuskēnsimai. Kas kvōiti drōugan ēitwei? Sembo gērdawō:
– As kvōitjō ēitwei prēi Leītawai, stvi est giniskan amzjan. – Kas kvōiti ēitwei sen menei? Pomezō gērdawō: – Majase butan est spōrtai sōrgu, sklōits as kvōitjō būtwei pavirpan, as ēimō prēi Mazavan. Kadan undan āuplūdō, Pōmezō vartinō si prēi svajase lāukā. Tōns etmine visans vīrdans: elnē, pipelīs, zuks, gaŗan, lāuksnōs, ezeran. Tōns izmōkinō si dīgi navans vīrdans: kōmpūterīs, internetan, drāugan Eurōpan.
Aīnan bētan, kadan Pōmezō sēdējō prēi stabas panā, aīnunts kas klumstinō prēi tenese vōrtai.
– Kas stven ?
– Kaīlis Pōmezō, as esmō Sembō! Labōi kōi as minijō, ka tū bēsei bīlēvuns eze zēimiskan lāuksnan, stese pagan as mazējō aupaltwei pintin.
– Kaīlis Sembō! Mīlan est ten wīdōtwei.

Pameddiskai tulkawuns MK

Legēnda ezze Pomezan be Semban

Wīdawutis turēi aīnadesimt sūnuns, sirzdau kans bei Pomezo be Sembo. Pomezo bei narewīngi be spārtan, tāns turēi galīmbans akkins, lāukans skebbelins. Tāns waīduns, kai kitāi dessimt brātei ni mīli din. Nikas ni izpretta tenesse pameddiskan billin, kaddan tāns bilāi ezze malūnakelin sen newinnins abbarans, ezze pāitaran, kai penkēi ilgāi sirzdau wangiskans lāuksnans waidinna zēimiskan lāuksnan.Nikas ni izpretta din, kaddan tāns immi lāptan be kappa damban pirzdau swajjan buttan. Šlāitewingi Sembo, bebinnuns wissan, ka segēi Pomezo:
– Ka tu segēi? Appi ast tāli izšendau, niprawerīngis tebbei suppis, he he.
Adder aīnan mettan, pa daggan, bei spartā wakkariska wītra. Siwā mirklīni wīrta en kīrsnans uppins be aglin dēinan be naktin, sawaīti pa sawaītin, mīnss pa mīnsin.Kirsnā appi etimmi iz tennans zemmin, gāidins, graūdenins.
– Ka segēimai? – prasijja sin wisāi brātei, – mes asmai pawīrpan, mes mazzimai segītwei, ka kwaitēimai. Aīns brāti gērdau: – As izimma laīwan, adder kirsnā appi pīdsei men sēn sin – stāi kirsnā appi ni ast stawaīdai wārgan, brātei, ni bijjaiti, mes ni wīrstmai auskēndus. Kas kwāi drāugan ēitwei? Sembo gērdau: – As kwāi ēitwei prei Laītawan, stwen ast ginniskan amzin. Kas kwāi ēitwei sēn men? Pomezo gērdau: Māise buttan ast spārtai sārgu, adder as kwāi būtwei pawīrpan, as ēima prei Mazzawan.
Kaddan undan auplūda, Pomezo kāimawartina si prei swajjan lāukan. Tāns etminna si wissans wīrdans: alni, pippelis, zuks, garrin, lāuksnas, azzaran. Tāns izmukinna si dīgi nawwans wīrdans: kōmputeris, internettan, draugā Eurōpa. Aīnan bītan, kaddan Pomezo sindēi prei stabnis pannu, ainunts kas klumstina prei tenesse wārtan.
– Kas stwen?
– Kaīls Pomezo, stwi as, Sembo! Labbai kai as minijja, ka tu bēi bilīwuns ezze zēimiskan lāuksnan, stesse paggan as mazēi aupaltun pintin.
– Kaīlis Sembo! Mīlin ast ten widātun.

Tulkawuns MK

Klausītun enpeisāsenin