Spallins stesse 2007 mettas
Lattawas be Twānkstas pīras ekspediciōni en Mīmelis skrittei
Sawaītin pirzdau Ilgins bēi segītan ekspediciōni en Mīmelis skrittin. Turēimai kakinslin aupaltun tūls ezze stēisan wūran buwīntajan billas šlaitewīngiskwans. Mīmelis skrits ast bitasbaltiska zemē, kwēi bēi buwinnusis wūrais kuršai be skalwai. Antropologiskai wūrai zmunēntei be tenēisan malnīkai, kawīdai anga dabber buwinna na swāise zemmei, anga teinū en Mikskātautai, ast sirzdau kuršans be skalwans be sen kērdan gaūwusis swāse šlaitewīngiskan tippan. Subbai tenēi ni mazzi gērdautun akrātai - anga ast tenēi kuršai, adder bilāi, kāi ni ast neggi mikšai, neggi "laītawjai" be tenēisan bilā bēi šlaitawīdan - laītawjai, pergūbusis pa Antran swītas karēusnan, ni mazēi izprestun din. Interessanti pawīsti, kāi sirzdau sin "mīmellanderai" bilāi per Laītawas rīkausnan - "laītawiska okupaciōni".
Laītawiskai zinānikai bilāi per mīmellanderans prāstai "laītawjai" be perpeisāi wissans sēimisemnins stēisan mīmellanderan laītawiskai. Marīja Skrapsts, per perwaidīnsnan, prēi kan mes bēimai, ast laītawiskai - "Skrabiene" (en dokumentamans tenā ast arwiskai Skrapsts). Kaddan pa pirman ekspediciōnis dēinan bēimai ebtikkusis en Mīmelai Dallin Kiselunāitin - bēimai kirdīwusis kāi mīmellanderai jāu ni waīda swāise billin. Mes staddan gērdaui, kāi waīdamai en Prēikulai Marījan Skrapsts (Kiselunaite izrēizan tikrinnusi - Skrabiene) be tenā gērdauwusi nūmans spārts tūlin, adder bēimai kirdīwusis kāi tenā ni waīda nika. Panzdau mes izprettusis, kāi pawīsti ast en stesmu, kāigi izbilāi di mīmellandiskan sēimisemnin. Kaddan perēit zināniks be prasijja kwei mazīngi aupaltun "Skrabiene" staddan zmūnei bilāi tēr miksiskai ("ni bilāits īr mōskaliskai") be bilāi kāi "ni waīdats jāu wūrai swāise billin". Рlāits izbilīsna "Skrapsts" wissan kitawidinna. Tīt mes, gērdauwusis kāi asmai prūsai, bēimai izrēizan kirdīwusis ezze mīmellanderamans, kāi tenēi wisāi ast prūsai.
Šin rēizan pastāi segītan eksperimentan be pastāi dātan Marījai kūpankuriskan wirdeīnan, kāi eīskinlai kawīds procēnts kursiskas leksikis ast en mīmellandisku. Interessanti, kāi spārts tūlin kursiskans wīrdans ast sēn stans subbans fōrmins be zentlisnans en mīmellandisku. Bēi stawīdai wīrdai, kasse saknei ast kursiskamans palīgu, šlāits ast izbilītan kitawīdai. Ast leksiki kaigi en Lattawas kusisku (Kurzeme), ast leksiski ezze lattawiskan be laītawiskan.
En subbai Prēikulei mes aupallusis spārts tūlin stawīdans wūrans zmūnentins, kawīdai biskin anga tūls waīda wūran billin. Maldāi zmūnei ezze malnīkans ērgi 30-40 mettans bilāi tēr skīstai laītawiskai. Be kaddan wīda di dins, turri di stawīdan jāusenin ikāigi tenēi ast mackālai en Kunnegsgarbas skrittei. Ast di turri būtwei specīfiska stēisan kolonistan šlaitewīngisku. Tīt, kaddan mes pergūbusis en kittan Prēikulis delīkan, kwēi mes kwaitēimai aupaltun dabber delli wūrans zmūnentins, be widāntei wūran gennan (Gerda Pākalniškis) mes izrēizan pagaūnemai bilītun sēn din miksiskai. Maldāi "laītawjai" stalīwusis nitāli padirēi na mans tīt subbai, kāigi mackālai en Palwinīku dirēi na zmūnentin bilīntin stwen laītawiskai.
Tīt drāugan sēn "Skrabiene" ekzistijja tērmins "bitaszemāitiskas, jāu aulaūwuns dialēkts stesse laītawiskan" sen kawīdan laītawiska zināni bilāi ezze memelandiskan.
En kultūrei stēisan mīmellanderan widāimai kursiskans elementans ezze buttiskamans pawīstins ērgi ornamentiskans grazintinnins. Stan subban mazīngi gērdautun ezze mitolōgijan be teinū jā dīgi ezze billin, kawīda turri spārts tūlin kursiskans elementans en leksikai be grammatikai.
