Sīmenis stesse 2009 mettas

Mackālai kwāi naikintun delli Ālkas gārbans en Sembai

Kaīgi ast waīstan, mackālai zēide teinū nawwan debīkan prestīžiskan pintin pra pastippan Semban ezze Kunnegsgarbu ērgi Jūris krāntan. Dabber pīrzdau mettan mazīngi bēi widātun debīkan zigzdas gārban, perweztan per pintis zēisnan prēi Krāntas pintin. Teinū stāi zigzdā turri būtwei jāu ast iztērpautan be mackālimans ast prawerīngi nawā zigzdā. Izpretīngi, kāi brendu ast weztun zigzdan ezze Jūris anga Aīstmaris krāntu. Mazingi gi imtun zigzdan iz subban Semban, ik izkaplai stwen delli gārbans. Tīt mackāliskas gubernatōrs pretta izkaptun dwāi Alkagārbans pēr zigzdan. Teinū na stans gārbans jāu kīrta di garrins. Mazzi būtwei archeolōgamans izpallai stalīntun stan prōcessan per ainuntkawīdan kērdan, kāi segīlai prawerīngins izlaukīsenins, adder, eīsku teinū sta ni ast nikasmu swarewīngi.

Sīmenis stesse 2008 mettas

KRĪSS
DAGGAS SAULISWĀRSTAN
KAUPŪLI

Kaupūlis / Rassas kērdasetrapan jāu tenna ezze sīmenes 21 dēinai. Prawūrisku izēit iz gilluwans en tēntiskwan be segēi swāise astin. Wūras gērbas ezze stan kīsman ast etkūmps stwi. Mazīngi widātun tenēisan simbōlins be teinū. Tīt aīnan iz swarewīngins simbōlins ast gērbas ezze dwīnins, ezze tenēisan gallin. Izpretīngi, teinū sta ni ast skīstan, wis pat adder sta dīlai etkūmps be etkūmps. Pirzdau stesse kērdas pagaūsenin, en Kunnegsgarbu audāi si delli retawīngei galāi. Zallawas 27 dēinan dwāi mērgas krūwa iz aūktan buttan, ka stalāi na Pillas ūras krāntan. Tennas krūwa ēmpiri be niaīnunts ni waīda kasse paggan. En delli dēinans, en stessei subsei regiōnei – en Rusgartenu, en Jōrkas gatwei, - dwāi wāiklai dīgi ēmpiri krūwa iz buttan. Tīt bēi dwāi pūrai, dwāi dwīnei.

Kāigi wisaddan, ezze Sīmenes 21 d. ērgi 24 d. Kaupūli tūlin kwei pastāi swintintan perōnewingi, tīt dīgi tūlin kwei – kliptintai. Ezze sīmenes 16 dēinai pagaūwuns sūjis kīsmus, kaddan pastāi kirdītan Perkūns. Stan undas kērdasetrapan ast Kaupūlis kīsmu palīgu.

< prēi pīrman pāusan | prēi tīrtan pāusan >