Sillins stesse 2010 mettas
Aulaūwa waīsts mackāliskas baltists be indōpeists Jūris Otkupšikōws
Sillinas 25 d. aulaūwa Jūris Otkupšikōws, mackāliskas filōlōgs, baltists be lingwists, Mīmelis uniwersitātis baltistinis prōfesōrinis Jurattis Laučuttis wīrs. Iz baltistikin ast swarewīngi tenesse "Baltiskas billas be indōeurōpīniskas rekōnstrukciōnis", "Prawurā hidrōnimija en Akkis basseinu", "Ezze reddiskans slawizmans en baltiskamans billimans".
Ēnkaps bēi sillinas 30 d. en Petergōpu.
Sillins stesse 2008 mettas
Zirgs na Twānkstas gārban
Teinū jāu jāute si Wīlin kērdasentrapas pagaūsenis. Sillinas 13 dēinan bēi stawīdan interessantin zentlin: en "Kunnegsgarbas mīstas swintikans" en wūrasmu centran pussinaktin niggeistai perbīga zirgs be mitāi si en tūliskwai, metīntei be brukāntei zmūnins. Zirgs ni turēi lūdin be niēisku izkwendau tāns ast perbīguns. Panzdau zirgs aubīga en Wurmistabbas pussin.
Sillins stesse 2007 mettan
"Prūsiskan bītan" en Klaštōru
En stēisan baltan aīniskwas dēinan audāi si "prūsiskan bītan" prei nūsan nawwan ginnin Renātan en Paюaisles klaštōru nitāli ezze Kaunu. En klaštōru kalsēi prūsiska bilā, grīmi di prūsiskans grīmans. "En "bītan" bilāi di prūsiskai sen tulkausnan en laītawiskan billin. Mes klausēi prūsiskans tekstans be wērsans; en Aīniskwas dēinan mes tenginna pra rānkans sendegtan liktin, klausīwusis "Labanoras" dūdas tārin. Waīstas skulptors Algimantas Sakalauskas eraīnasmu dajāi swāise dīlas Paюaisles anzanas engelīkan kāigi Prūsas kultūras etgīmsenes simbolin. Mes grīmi prūsiskans grīmans, īda baltiskan geītkan, ebgardau Paюaisles ābliskan sultin. Segēimai sāitans, delāimai kontaktans. Bēi mazīngi engaūtun prūsiskans lāiskans (prūsiskan wirdēinan, "Chrestōmatijan" be kittans). Waitjāwusis prūsiskai.. Nadruwēimai, kāi šin "bītan" bēi Etgīmsenes pintis pagaūsenis. Pintis, kawīds wēdlai prei kittans stawīdans audāsenins", bilāi Renāta. En "bītan" perjāja zmūnei ezze Jātawiskasmu katāliskasmu urdenan, Mikkels Klussis be Nērtiks iz Pameddin.