Līpa stesse 2008 mettas
W. Toporowas gīmsenes deinā
Līpas 5 dēinan stesse 1928 m. gīmuns W. Toporōws. Mazzi būtwei, ik tāns ni pagaūwuns dīlatwei sen baltistikan, teinū mes ni turīlimai swāise billin, tīt dīgi tūlin ka ezze baltiskan kultūrin. Tāns jāu augūbi. Be interessanti mīritwei ezze stan, kwei mazzi būtwei tenesse dāusas. Zmūi, kawīds tīt tūlin segīwuns per prūsans, pa swāise auēisenin mazīlai izjātwei en stan arwinin Prūsan. Be stāi Prūsa ast ainuntkwei stwi, spārts taūwu. Tāns buwinna stwi. Mazzi būtwei, sta ast mazīngi kwei stan deīktan ast en nūse arwiskwai. Prawerru madlītun, kāi tāns teinū iz stan pāusan, iz stan tāutan, pagalblai nūmans stwi segītun nūse Dīlin tālis. Stwen, kwei Tāns teinū, baltiska kultūri be bilā wis dabber, turri būtwei, ast skīstan, archāiskan. Sta ast swinta bilā stēisan dēiwan.
Jā, tīt turri būtwei: Tū dīlai en stesmu swītu, pastippan swāise gīwatan, Tū mīri ezze stan kultūrun, etteikāi billin, swintans waīsnans. Panzdau Tū izjāsei Ēnstwendau be Stwen Tū wīda wissan ezze ka Tū mīriwuns. Stwen wissan ast be bēi wisaddan. Madlimai pagalbtun nūmans stwi be Izstwendau dātun nūmans stans swintans Waīsnans.
