Spallins stesse 2010 mettas
Archeolōgija: Prūsas pragūbingiskwas enlaukisnā anga pernaikinsnā? (ēmpirssadinsnā)
Slakalaūkas kapurna. Stwi izkaptan 4 kappai, ast ketturis urnis be kellas wangā.
Slakalaūkas kapurna, 5 mts. Urni
Slakalaūks
Wāiss be kapurna prei Slakalaūkan lānza en deīktu, kwei iztēnka Alkenīkas appi. Stwi tautaswīds ast māgiskan. En prawūriskwai stwi turēi būtwei tūlin swintai deiktāi. En kapurnai spārts labbai erlaikāwušas 5 mts. urnis. Ast ēnrankei, pwz, kelāi.
Slakalaūkas wāiss
Mīrintei ezze archeolōgijan, kwaitēimai ni kwaitēimai, mazīngi perēitwei prei papresnan, kāi ka archeolōgs enlaukīwuns, sta jāu nikaddan ni wīrst egzistīwus, beggi archeolōgijas metōdi ast aupaltun, enfiksītun be pernaikīntun en realitātei. Mazīngi mīritwei, kāi panzdau mes wīrstmai turīwusis stan wissan en muzēju, en laiskammans. Adder ka ast en muzēju ni ast gīwan be jāu ni dīlai kāigi ka nika swarewīngi ka bēi en zemmei. En archeolōgijas pamintlins prawerru dirītun dīgi kāigi en šlaitewīngiskan "magnētiskan" fōnan en zemmei. Anga en zemmis klādan, kawīds erlaikāi izpressenin, minīsnan, energījan. Be stas klāds endīlina zmūnins, kawīdai buwinna en stesmu deīktu. Kaddan adder zemē pa archeolōgans jāu ni turri stan klādan, staddan jāu iznīksta prūsiska zemmis struktūri. Tītet naws pints wīrst pernaikīnuns praktiskai pastippan Sembas struktūrin
Spallins stesse 2009 mettan
En Lattawas Zēimamans krūwats meteōrits
Meteōrits segīwuns 10 metran gillin dubbin en zemmei. Zūrgi stan deīktan jāu ast senrīnkusis pōlicaja be zinānikai, šlāits niaīnunts ni mazzi aupaltun subban meteōritan. Kittan dēinan pagaūwa di jāu bilītun kāi sta ni bēi meteōrits adder aīnuntkawīda kitā pawīsti, adder ainuntkasse glaudā.
Wālkijas profesōrs Gwidō Mikelinni pawaidinnuns dwāi swajjans nawwans lāiskans en Siluttei.
Profesors Bālsis be Mikelinni
En Mīmelis uniwersitātei jāu pirzdau mīnsnan bēi mazīngi kirdītun, kāi perjāt “Mikelinni” be eraīns izrēizan mazēi etminitun aīnuntkawīdan interessantin istōrijan ezze din. Kaīgi, prēi perwaidīnsnan, zmūnei en Wālkijai ēit kitawīdai nikai en Laitawai – turrits wisaddan aūktai galwan. Aīnunts iz Mīmelis uniwersitātin perjājā etwārtai en Mīmelin iz Wālkijan be niggeistai widāi di kāigi pa Mīmelis gatwin zmūi ēit “wālkiskai”. Sta izpretīngi bēi Mikelinni.
Tīt, spallinas 22 dēinan Mikelinni prezentīwuns dwāi swajjans nawwans lāiskans: “Likutlaītawas prōtestantiskan grīmaslāiskan istōrija” be Klaīnas grīmaslāiskan faksimilin. Kittan dēinan stan subban bēi jāu en Siluttei.