Spallins stesse 2010 mettas
SAKAKĀIMAS "PILLAS" PERNAIKĪNSNA (ēmpirssadinsnā)
Tītet wīrst gūbuns naws pints be tiltan: pa gazzas kliptawan, pa dwāi wūran buttans, pa Sakakāimas kīrkin, pa prancōziskas kīrkis kapurnan (aūktais stan subban deīktan na tautaskārtin be iz Kōsman). Ikāi wurāi buttai en Kunnegsgarbu ast rettan, dīgi šandēinan wēraui tendēnci naikīntun wissan wūran.
1. Prancōziskas kīrkis deīktan. 2. Prancōziskas kīrkis kapurnas deīktan. 3. Sakakāimas kīrkis deīktan. 4. katōliskas kīrkis deīktan. 5. dwāi wurāi buttai. 6. gazzas kliptawa. 7. deīktan kwei wīrst būwuns naws pints be tiltan.
Aīnan wūran buttan jāu ni ast.
Dwāi wūrai buttai jāu ni ast.
Tiltan jāu ni "enēit" en buttan.
Adder panzdaumani pawīstis, kawīda "ni dāst" zēistun pintin be tiltan ast wūra gazzas kliptawa. Sta ast retawīngi zēstan stēisan 1920 mettan sen līkutans auwertans langstans. Tennan stalāi ikāigi ālkan stēisan pazemmiskan kultan. Anga pils stēisan spāngan, en kawīdsei audāst si konspiraciōni. Wisaddan kliptinan.
Pergūbi dīlinikai. Tenēi planīwusis naikīntun stan zēistan en aīnan sawaītin, adder jāu ni mazzi wangīntun stan tūls nikāi dwāi mīnsenei. Ikāigi wūrs Kunnegsgarbs dabber ūlina prīki nawwan. Adder dabber ainā "pils" jāu krūwa.
Sta ast Sakakāimas kīrkis deīktan.
Mazzi būtwei stwi gillu en zemmei
dīgi šandēinan ast Wīdawutes
karengus. Pa stan wissan jāja trāmai.
Gazzas kliptawas naikīnsna.
