Spallins stesse 2010 mettas
SAKAKĀIMAS "PILLAS" PERNAIKĪNSNA
Sen wūrmin Sakakāims pastāne
ebzentlintan
En Kunnegsgarbu ast istōriska regiōni – Sakakāims (miks. Sackheim), kawīda bēi waistā en 14 mts. kāigi prūsiskas kāims. Sta ast deīktan, kwēi en Kunnegasgarbu ukatūls buwinna baltai. En pirmai 20 mettasimtas pussei stwi dabber plattei bilītan laītawiskai. Kadāi Sakakāims bēi Kunnegsgarbas dēiniskas pakraksts, adder šandēinan sta ast praktiskai mīstas sirdan.
En Sakakāimas kīrkei, kāigi gērbtan, dabber pirzdau āntran swītas kareūsnan, ainuntkwei en rūšu pastāi erlaikāts "Wīdawutes karengus", kawīds pastāi perweztan iz Nadraūwan, iz Dargakāiman (miks. Darkehmen). En Dargakāimu ast Patrīmpas gārbs, na kawīdan panzdau stalīwusi karcemā "Trīs deiwāi". Be na stan kārceman kabba lubā sen glaubātans trins dēiwans, s.a. ka nika palīgu "Wīdawutes karengu". Karcemā iznikkusi en 19 mts. wangai be laītawiskai bilāntei prūsai perwezzusis "karengun" en Kunnegsgarban - en laītawiskan Sakakāimas kīrkin. Pa kareūsnan kīrki iznikkuzi zūrgi 1955 m. Be na tenesse lānza trāmpints.
Kaddan perēit nawwa "ciwilizaciōni", zmūnei wisaddan kwaitēi turītun ka nika nawwan be debīkan. Be jāu wūrai, dabber en sōwetiskans kērdans, tenēi turīwusis plannan zēistun pra stan deīktan nawwan debīkan pintin, sen nawwan ilgan tiltan kīrsa Lūmzis sallin. Sōwetas Uniōni iznikkusi be tiltan ni pastāi zēistan ērgi wangan. Tīt jāu zūrgi 20 mettans kīrsa Sakakāimas gatwin kabba tīltas delīks, kawīds ēst budduns si en wūran buttan.
Sirzdau nawwans buttans stwi bēi
dwāi wūrai padwarrjai.
Wīds iz kōsman en dwāi buttans be
tiltas delīkan.
Buttan, en kawīdan "enēit" tiltan.
Stwi ast widātan abbai buttai
Izrēizan prei kaīrai bēi Sakakāimas
kīrki.
Sen kīrsnan nawwan tiltan
pastāne ebzentlintan
Tēr pērnai etkūmps pagaūwusis mīritwei kāigi zēistun stan ilgan tiltan tālis. Pēr stan astits būtewingi naikīntun stans wūrans buttans be iz kittan pāusan stesses Sakakāimas gatwis - dīgi prawerru naikīntun wūran gazzas kliptawan. Prēi kitan, pints wīrst gūbuns pa Sakaskāimas kīrkis deīktan – stwen en rūšu dabber teinū mazīlai būtwei prūsiskas "Wīdawutes karengus". Be dīgi per kīrkis deīktan pints wīrst gūbuns pa prancōziskas kīrkis kapurnas deīktan.
