Sakkis stesse 2009 mettas
Aulaūwa Wītauts Mažullis
Sakkes 11 dēinan, Debbas Wilīdeinas kīsman, aulaūwa akadēmiks Wītauts Mažulis. Jāu āntars wisēimans waīstas baltists be prusists augūbi ezze nūmans. Ezze 2005 mettan pagaūwa auēitwei wūrai zmūnei iz Kūpans be Prūsan, tīt dīgi stāi, kaīgi Toporōws be Mažulis, kasse Dīlin bēi sēitan sen prūsiskan be prūsans. Tīt, mazzimai paprestun, kāi teinū ast kīsmus kaddan stawīdai zmūnei ēit etwārtai Ēnstwendau, izkwendau pra pastippans tenēisan gīwatans prēi dins pergūbi Waīsnas. Teinū wīlis immi Mažulin sen sin en swāise Dēiktan. Tengīsei tāns be dīgi kitāi augūbušai Waīsnans dīgi nūmans.
Sakkis stesse 2008 mettas
Pergrubris
Sakkjas 23 deinā. Pergrubbis.
Wūrais bēi swintīntan kāigi Nawwan Mettan. Pergrubbis ast Wassaras Perkūns. Pergrubbis tapinna zemmin etklaūja di sen klāutalans be wērpe zālin.
Panzdau Pergrubbin pagaūne di artun be sītun.
Sakkjas 26 dēinan Twānkstas Pirā ebtikkusis si en Kringittjas ālkas gārbu per Pergrubbjas swintikkan. Stas pillisgarbs ast ālkan, kwei pastāi enkaptan kriwwis, dīgi teinū ast arwiskai pakīwingiskan deīktan en Sembai. Kaīgi wisaddan, dāinas stwen pastāi segītan sen pakkai. Be kāigi wisaddan, wissan bēi spārts ezōteriskan, kliptinan. Jāu bēi pirmā zallisku. Daggas saūlits tappis wins.